Gure produktuetan erabilitako lehengaiak meatokietatik erauzitako arrokak dira (kareharria, dolomia, igeltsuak). Meatokian bertan ikerketa bat egiten da arroken kalitateak sailkatzeko, beren ezaugarri fisiko-kimikoen arabera. Arrokak, meatokitik erauzita, birrintzeko instalazioetara eramaten dituzte pala eta brozel-kamioien bidez. Han, eho ondoren, sailkatu eta biltegiratzen dituzte beren erabileren arabera.

Erauzitako arrokaren zati bat, bere osaera kimiko eta granulometrikoaren arabera aukeratua, 1.000º C inguruko tenperaturan kaltzinatzen da hainbat motako labeetan. Labe horiek erregai desberdinekin elikatzen dira: gas naturala, kokea, fuel-olioa, e.a. Harriaren CO₂ askatu eta kare bizia sortzen da, kaltzikoa (CaO) edo dolomitikoa (CaO.MgO). Horrela ekoiztutako pikor karea bahetu, birrindu edo eho eta biltegiratu egiten da, bezeroek nahi dituzten ezaugarrien arabera.

Calcinor taldea ikertzen ari da atmosferara CO₂ -aren isuriak gutxitzeko bideak, ordezko erregaiak baliatuz.

Kare bizia hidratatu egin daiteke, hau da, urarekin konbina daiteke modu kontrolatuan. Eransten den ur kantitatearen eta aurreikusitako erabileraren arabera, kare hidratatua (Ca(OH)₂= kaltzio hidroxidoa) lortzen da, oso fina den hauts moduan edo "ore bero" moduan; azken hori karezko iztuku edo margolanetarako oso estimatua. CALCINORrek kare hidratatuak ekoizten ditu, eta hain purutasun handikoak non giza elikadurarako ere erabiltzen baitira (aktatoak, estearatatoak, umeentzako esne-hautsa).

CALCINORrek hornidura malgu eta erregularra bermatzen die bezeroei. Soltean, zakuetan, big bag-etan edo edukiontzietan. CALCINORrek bere produktuak ibaiez zein itsasoz bidaltzen ditu, trenez zein kamioiez, produktu horiei emango zaizkien erabilerek eskatzen duten ezaugarri kimiko eta fisikoekin. Langileak prestatuta eta bezeroarekiko ditugun konpromisoez jabetuta daude, eta hornidura garaiz egitea bermatzen dute (askotan eguneko 24 orduetan). Langile horiek, gainera, administrazio eta logistikako formalitate guztiez ardura daitezke.

CALCINORren lehentasuna da bezeroek dituzten behar aldakorrak betetzea, eta produktu eta zerbitzu zehatzak eskaintzen dizkie, haiekin adostutako eskakizunekin bat, ezaugarri granulometriko eta fisiko-kimikoei dagokienez. Parametro horiek ekoizpen prozesu guztian kontrolatzen dira, meatokien ustiaketa hautatutik bukatutako produktuak bidali arte. Ekoizpen zentro gehienetan, CALCINOR TALDEak ISO 9001 kalitate sistemaren eskakizunak betetzen ditu, eta bere produktu guztiek kalitate ziurtagiriak dituzte.