BERRIAK

Atal honetan zuzenean izango duzu prozesu berrien ikerketan egindako aurrerapenen, produktuen berrikuspenen edota gure bezeroen kezkei eta galderei erantzuna emango dien informazioaren berri.

REFRACTARIOS KELSEN S.A. sozietateak egositako dolomita-adreiluak ekoizteko lantegi berria jarri du martxan

Krisi globaleko egungo egoeran, taldeko enpresen jarraitutasunaren eta jasangarritasunaren aldeko apustua egiten eta horretarako inbertitzen jarraitzen du CALCINOR-ek. Ildo horretan, dolomitazko adreilu eta masa erregogorren ekoizpenean Europan erreferente den REFRACTARIOS KELSEN S.A. sozietateak berriki jarri du martxan egositako adreiluen lantegi berria; horrela, Adunan (Gipuzkoa) dagoen 6.000 metro koadro baino gehiagoko handitze-lanak amaitu ditu.

20 milioi euro inguruko inbertsioa egin da, eta erregogorren industriako munduko maila goreneko estandarrei jarraituta eraiki dute lantegi berria. Horri esker, 25.000t baino gehiagotan areagotu da REFRACTARIOS KELSEN S.A. enpresaren ekoizpen-gaitasuna eta, halaber, handitu egin da haren produktu, bezero eta sektoreen gama.

Horrek guztiak enpresak dolomitazko erregogorren fabrikazioan europar erreferente gisa duen posizioa indartzen du, segurtasunaren, eraginkortasunaren, automatizazioaren, erabilitako teknologiaren abangoardiiaren eta ingurumenari dagokion jasangarritasunaren arloetan nabarmenduz.

Etorkizuneko erronkei aurre egiteko, integrazio bertikalaren eta prozesuak optimizatzearen aldeko apustua egiten jarraituko du REFRACTARIOS KELSEN S.A. sozietateak, Europan altzairuaren industriak eskatzen duen hornikuntza bermatzea bilatuz; lehengai propioak eta kalitate goreneko dolomitazko erregogorren gama hornitzen dizkio enpresak industria horri.

 

PARTEKATU:

Facebook
Twitter
Google+

PARTEKATU:

Facebook
Twitter
Google+